Sorbus chamaemespilus

Zuhaixka txiki hau Europako erdialde eta hegoaldeko mendigunetako estai subalpetarrean bizi da, Sudeteak eta Karpatoetatik hasi eta Pirineotaraino hedatuz. Larrako karstean du bere hegomendebaldeko muga beste landare orofilo askok bezala. 

Sorbus chamaemespilus

Dibisioa
Magnoliophyta
Klasea
Magnoliopsida
Subklasea
Rosidae
Ordena
Rosales
Familia
Rosaceae
Deskribatzailea
(L.) Crantz
Estatusa
ne

Morfologia

1,5 m arteko zuhaixka. Adaskak lentizela luzatu ugariz hornituak ditu. Begiak dira koniko-oboideak, zorrotzak, 3-5 ezkata ziliaturekin, ia ilegabeak eta ez likatsuak. Azala leuna eta grisa du.

Hostoak

Bakunak, ertzean finki eta bitan zerratuak. Berdeak bi aldetatik, ilegabeak eta pixka bat lustredunak dira gainaldeatik, eta, mate eta ilegabeak edo pittin bat iledunak azpialdetik. Oso peziolo laburra dute. 

Loreak

Loreak korinbo txiki eta trinkoetan elkartuta. Errezeptakulua 2 mm ingurukoa eta ilupaduna. Sepaloak ertzetan hortzik gabeak, ilegabeak kanpoaldetik, eta ilupadunak barrualdetik. Petaloak arrosaxkak.

Fruituak

Gorri-laranjaxka da heldutakoan, lentizela gutxikoa eta mami irinkaraduna.

Banaketa

Europa erdialdeko eta hegoaldeko mendigunetako estai subalpetarretan bizi da. Zehazki: Pirineoak, Frantziako Erdialdeko Mendigunea, Alpeak, Apeninoak, Sudeteak, Vosgoak, Karpatoak eta Balcanak. Euskal Herrian Larrako karstean soilik aurki daiteke. 

Sorbus chamaemespilus Sorbus chamaemespilus

Habitatak



Habitat bereko espezie gehiago

Picea abies
Izei gorria
Pseudotsuga menziesii
Douglas izeia
Abies alba
Izeia
Larix kaempferi
Alertze japoniarra
Juniperus communis
Ipar-ipurua
Pinus nigra
Larizio pinua
Larix decidua
Alertze europarra


Ekologia

Izeidietan, mendi-pinuz osatutako pinudietan, eta, errododendro eta ipuruz osatutako sastrakadietan bizi da. Mota guztitako sustratutan eta 1550 - 2250 m arteko altitudetan.

Fenologia

Ekaina eta uztailean loratzen da, eta, fruituak iraila eta urrian heltzen dira.

Esteka interesgarriak

Egilea: | Sorrera: 2011/11/24 | Azken eguneraketa: 2014/09/27 | Bisita-kopurua: 1525 | Argazki nagusia: naturgucker.de

Erregistra zaitez

Erregistra zaitez!

· Parte hartu edukiak hornitzen eta eztabaidatzen 
 
· Igo itzazu argazkiak, bideoak, liburuak, estekak...