Proiektuaren sustatzailea zen Naforensaren partaideak dira Sociedad de Desarrollo de Navarra (Sodena) enpresa publikoa, kontsortzioaren %40 osatzen duena, eta besteak beste, Serrería Barberena eta Zubillaga Saralegui zerrategiak. Zalantzak piztu dira Nafarroako Gobernuko Ingurumen Kalitatearen Zerbitzuak kontsortzioari plantaren proiektuari buruz argitzeko eskatu zizkion puntu batzuen inguruan. Hain zuzen ere, plantaren galdararen potentziaren eta isurpen toxikoen ingurukoak ziren xehetasun horiek. Informazio hori garaiz eman ez denez bertan behera utzi du proiektua Nafarroako Gobernuak.

Sustrai Erakuntza fundazioak 2012an kaleratu zuen txostenaren arabera Orkoiengo plantarena espekulazioan oinarritutako proiektua zen eta ez zuen legedia betetzen. Izan ere, Nafarroak produzitzen duen energiaren %40 esportatu egiten du eta esportazio horien inguruan egiten den espekulazioa salatu dute hainbatean Sustrai Eraikuntzatik. Biomasaren errausketarako planta honetan urtean 100.000 tona egur ziren erretzekoak argindarra produzitzeko.

Leave a comment