Gure basoetan nahiko arrunta da onddo hau. Mami fin eta gutxikoa den onddo honek muskarina dauka eta honek “ intoxikazio sodorianoa” eragiten du. Tonu zuriak dira nagusi eta erreflexu arrosak izan ditzakeen onddoa da.  Generokidea den Clitocybe  dealbata-rekin nahas daitekeen onddoa da.

Artikuluari buruz Egilea: Sorrera: 2012/01/23 Azken eguneraketa: 2012/01/23 Bisita-kopurua: 1413 Motzean Taxonomia Dibisioa: Basidiomycota Klasea: Agaricomycetes Ordena: Agaricales Familia: Tricholomataceae Deskribatzailea: (Pers.: Fr.) P. Kumm. Sinonimoak Agaricus rivulosus Ekologia Saprobio humikola Jateko balioa Toxikoa Perretxiko-garaia Perretxikorik ez Perretxikoak bai

Makromorfologia

Pileoa

Tamaina txikiko onddoa da honako hau, bere pileoak asko jota 5 cm-tako diametro izaten baitu. Hasieran laua edo ganbila da baina heltzen denean inbaginazio bat garatzen du erdialdean. Ertza biribildua eta oso mehea izaten da. Tonu zuriak nagusitzen dira, ale zaharrek tonu arrosak izaten badituzte ere. Kutikula ilupaduna du.

Estipea

Hankak txapelaren kolore bera izaten du, eta zuntzakara izaten da.  Zuzena edo okerra izan daiteke. Pileoak bezala  estipea ere ilupaduna izaten da.  Tamaina dagokionez, honek 2-5 cm- tako altura eta  0,2-0,5 cm-tako lodiera izan dezake.  Hanka nahiko zilindrikoa izaten da.

Orriak

Orritan ere tonu zuriak izaten dira nagusi.  Zuri krematik hasita krema-arrosara doazen tonuak izan ditzakete.  Orriak nahiko dekurrenteak dira eta bata bestearekiko nahiko hertsiak.  Orriak nahiko finak izaten dira.

Mamia

Kutikularen azpian izan ezik  zuria, baina kutikula azpian kolore arrosa izaten du. Mami gutxiko onddoa da, eta duena oso fina da. Usain apalekoa  baina  zapore gozo eta atseginekoa izaten da.

Mikromorfologia

Esporak

4,5-6 x 2,5-5 mm-tako espora elipsoidalak garatzen ditu. Hauek olio tantak izaten dituzte barnean.  Leunak diren esporak ez dira  amiloideak izaten.

Ekologia

Habitata

Udan eta udazkenean talde nahiko handiak ostuz hazten dira basoetako soilgunetan, bide bazterretan edo larreetan. Onddo hau gure  lurraldean nahiko ohikoa da.

Perretxiko-garaia

Batik bat udazkenean azaltzen den onddoa da, hala ere udan ale batzuk ager daitezke.

Jateko balioa

Onddo honek zapore gozoa izan arren toxikoa da  muskarina baitaka. Honek “intoxikozioa sudoriano” eragiten du. Arazoak, gorputzeko   ur galerak eragiten ditu.