Russula sardonia

Eduki guztiak CC-by-sa 4.0 lizentziapean argitaratu dira kontrakoa adierazi ezean.

Onddoak

Russula sardonia
Pinudi-gibelubela

Koniferoen azpian agertzen den Euskal Herriko russula arruntenetarikoa eta ugarienetarikoa da. Orriak eta mamiak amoniakoarekin erreakzionatzen duten bi russula daude, R. sadonia eta R. cavipes. Amoniakoarekin kontaktuan jartzean kolore gorri edo arrosaxka hartzen dute. Mendian beste zenbait russulekin nahastea erraza denez, ezaugarri guztiak kontuan izan behar dira.

Argazkia: Aranzadi Zientzia Elkartea

Artikuluari buruz

Egilea:
Sorrera: 2011/12/13
Azken eguneraketa: 2013/12/26
Bisita-kopurua: 1161

Motzean

Taxonomia

Dibisioa: Basidiomycota
Klasea: Agaricomycetes
Ordena: Russulales
Familia: Russulaceae
Deskribatzailea: Fr. (1838)

Sinonimoak

Russula chrysodacryon
Russula drimeia
Russula emeticiformis

Ekologia

Mikorrizikoa

Jateko balioa

Baliogabea

Perretxiko-garaia

	Perretxikorik ez
	Perretxikoak bai

Makromorfologia

Pileoa

4-10 cm-tako txapel mamitsu eta gogorra du. Hasieran forma ganbila du baina denborarekin laundu egiten da. Titiduna izan daiteke gaztetan. Azala distiratsua da eta ez da erraz askatzen txapeletik. Forma tipikoetan txapelaren azalaren kolorea purpura-morexka izaten da baina badira zenbait barietate kolore hau ageri ez dutenak. Russula sardonia var. mellinaren kasuan hori kolorekoa da eta viridis barietatearen kasuan berriz berdea.

Estipea

8 x 2 cm-tako hanka du, gogorra eta nahiko fusiformea. Kolore zuri-horixka izaten du, lilaz, bioletaz edota gorri-purpuraz tindatua.

Orriak

Orriak adnatuak edo pixka bat dekurrenteak eta meheak dira. Hasieran oso hertsiak eta limoi kolore argikoak izan arren, heldutan krema-okre kolorea hartzen dute.

Mamia

Mamia zuri edo hori limoi kolorekoa da, gogorra eta itxia. Ez da jangarria, oso garratza baita. Hasieran aipatu bezala, amoniakoarekin erreakzionatzen du, arrosa-gorri kolorea hartuz.

Mikromorfologia

Esporak

7-9 x 6-8 μm-ko tamaina izaten dute esporek eta ia esferikoak dira. Kolore okre-zurbilekoak dira eta erreakzio amiloidedunak. Zistidioak agertzen dira.