Onddoak

Tricholoma focale

Pinudietan ohikoa den Tricholoma generoko espeziea, aurkezten dituen tonu gorrixkengatik deigarria dena. Bere eraztun zuntzakarak, zartatzeko joera daukan kutikula leunak eta haragi trinkoak espezie hau besteengandik bereizgarri bilakatzen dute.

Argazkia: Nerea Abrego
Tricholoma focale

Artikuluari buruz
Egilea:
Sorrera: 2012/01/04
Azken eguneraketa: 2012/01/05
Bisita-kopurua: 1894

Motzean
Taxonomia
Dibisioa: Basidiomycota
Klasea: Agaricomycotina
Ordena: Tricholomatales
Familia: Tricholomataceae
Deskribatzailea: (Fr.) Ricken
Sinonimoak
Agaricus focalis
Armillaria focalis
Cortinarius focalis
Tricholoma robustum f. focale
Ekologia
Mikorrizikoa
Jateko balioa
Jangarria

Makromorfologia

Pileoa

6-12 cm bitarteko txapela leuna dauka, hasieran kurbatua eta ale helduetan lauagoa. Kutikula likatsua dauka, kolore arrekoa, batzuetan tonu naranjarekin. Ale zaharretan kutikula erradialki zartatu ohi da, haragiaren kolore zuria agerian geratzen delarik.

Estipea

4-10 x 1-1.2 cm, erdi partean lodiagoa, eta oinarri radikosoarekin. Pileoan ezkatak ditu, bai eraztunaren gainaldean zein azpikaldean. Eraztuna zuria edo okre naranjakoa izan ohi da.

Orriak

Adnatuak, estuak, zuriak, kolore okre naranjaz orbanduak.

Mamia

Trinkoa, zuria hasieran eta gero larrosa gorrixka. Zapore gozo edo mingotsa.


Mikromorfologia

Esporak

Zabalki elipsoidalak, 4-5.5 x 3-4 mikrakoak, hialinoak eta leunak.


Ekologia

Habitata

Konifero basoak.

Perretxiko-garaia

Udazkena.

Jateko balioa

Jangarria izan arren, ez da perretxiko preziatua.

Antzeko espezieak
Tricholoma caligatum

Azken espezie honek T. focale-k bezala eraztuna dauka, baina kutikulan ezkata gorrixkak aurkezten ditu.


Erregistra zaitez

Erregistra zaitez!

· Parte hartu edukiak hornitzen eta eztabaidatzen 
 
· Igo itzazu argazkiak, bideoak, liburuak, estekak...