Albisteak

"Inguruko Hegaztiak" proiektua martxan jarriko da

2013/12/10

Iruzkinik ez
bisita

Urdaibai Bird Center-ek 2013-2014 urte bitarteko negurako “Inguruko Hegaztiak” proiektua martxan jarriko du, partaidetzaren bidez gure inguruan bizi diren hegaztien ezagupena bultzatzeko asmoarekin. Honakoa Europa iparraldean eta bereziki Bretaina Handian oso erroturik dagoen proiektu bat da, non iazko urtean 600.000 familiak parte hartu baitzuten “Garden Birdwatch” izeneko proiektuan.


“Inguruko hegaztiak ” Urdaibai Bird Center-ek koordinatu eta Bizkaiko Foru Aldundiak bultzatzen duen proiektu piloto bat da, non gure etxeen inguruan bizi diren hegaztiei buruzko ezaguera handitzea duen helburu. Horretarako, neguan zehar janlekuak erabiliko dira, hegaztiei gure etxe ondoan elikatzeko aukera emanez eta gure ingurura erakarriz.  


Aurtengorako planteatzen duten proiektua Urdaibaiko eskola guztietara eta parte hartu nahi duten partikular guztietara zabaldu nahi da. Interesaturik egonez gero, webgune bat sortu da proiektu honen gorabeherak ikusgai izateko. Gainera, blog hau interaktiboa izateko asmoz egin da, parte-hartzaileek beraien bideo, argazki eta informazioak elkartrukatzeko.


Proiektuan parte hartzeko ez da ia ezer behar:
1.- Ingurune berde bat izatea, zuhaitzen batekin edo inguruan zuhaitzak dituena.
2.- Gutxienez hegaztientzako janleku mota bi izatea, (bata alpistearentzako edota hazientzako, eta bestea kakahueteentzako), eta proiektuak dirauen bitartean beti janariz hornituta egotea.


Izen emateko epea abenduaren 31an amaitzen da. 





Kaskabeltz handia



Bideoak



Estekak

"Inguruko Hegaztiak" proiektuaren Webgunea

Leave a comment

Please login to leave a comment.

Erregistra zaitez

Erregistra zaitez!

· Parte hartu edukiak hornitzen eta eztabaidatzen 
 
· Igo itzazu argazkiak, bideoak, liburuak, estekak...